"ठेविन पायि, डोई, दे गं घरास आई" बालविनायकानं अष्टभुजेपुढे केलेलं मागणं तिन ऐकलं. त्याच्या थोरल्या भावाचं - बाबारावांचं लग्न झालं. घराला लक्ष्मी मिळाली., बालविनायकाला वहिनी मिळाली - जणू आईच मिळाली.
आनंदातिशयानं तो म्हणाला,
"वहिनी घरात आली, माता अम्हा मिळाली"
वहिनी घरात आली, लक्ष्मी घरात आली
माता अम्हा मिळाली!ध्रु.
वहिनी प्रसन्न दिसते, गालात हासु फुटते
सौभाग्य परत आले, लक्ष्मी घरात आली!१
मी भांडणार नाही, देवी तुझी कृपाही
तू ऐकलेस माझे – भक्ती न व्यर्थ ठरली!२
वात्सल्य आज आले, पावित्र्य प्राप्त झाले
बाबा कृतार्थ होई, गंगा घरास आली!३
स्पर्शात मातृमाया, लाभे घरास छाया
दुःखातपा हराया, होऊन छत्र आली!४
खेळू आम्ही तिच्याशी, मिळतील सौख्यराशी
लाभे पुन्हा जिव्हाळा, वहिनी घरात आली!५
वहिनीस पाहताना, हसतात गोड अण्णा
ते जोडतात हात - देवी प्रसन्न झाली!६
रचयिता : श्रीराम बाळकृष्ण आठवले
काव्यमय सावरकर दर्शन
No comments:
Post a Comment