याल तर तुमच्यासह.

स्वातंत्र्यप्राप्तीसाठी झुंज देणारा तो झुंजार नेता होता. परकीयांच्या पोलादी पंजातून सुटल्यावर त्या उतारवयातही - त्यांनी स्वातंत्र्याची वाटचाल प्राणपणानं चालूच ठेवली. भारतीय स्वातंत्र्यासाठी साऱ्यांनी एक झालं पाहिजे अस त्यांचं मत होतं. आणि स्वातंत्र्यप्राप्तीच्या मार्गात अडथळा तर त्यांना कधीच परवडणारा नव्हता. अशा विरोधकांना त्या जयिष्णु नेत्यानं बजावलं –

याल तरी तुम्हांते घेउन,

न याल तर तुमच्याही वाचुन

विरोधाल तर बाजुस सारून पुढती पुढती जायाचे, स्वराज्य जिंकुन घ्यायाचे ।।१।। ।। ध्रु.।।

हिंदुसंघटन मंत्र आमुचा

रात्रंदिन तो जपावयाचा

सैनिकि शिक्षण घेताना पाउल दृढ रोवायाचे!२

नीलनभी हा राही फडकत

कुंडलिनी नि कृपाण शोभत

रक्तांकित ध्वजराजा वंदित समर लढू स्वातंत्र्याचे!३

आत्मविस्मृती तुम्हा जाहली

म्हणुनि हिंदुभू दुरावलेली

पतितांनो जोडाच अंजली नसानसातुन तुमच्याही हो रक्त खेळते हिंदूंचे!४

रचयिता : श्रीराम बाळकृष्‍ण आठवले

काव्‍यमय सावरकर दर्शन